星期六早上十點半去到沙田北京樓，位置好多，唔需要等。
叫咗一飯一粥，一碟菜，同一啲點心。
蘿蔔糕眼看有4件，但其實切咗三角，份量比其他地方少。蘿蔔糕口感ok的，煎得幾香，唔燶亦唔算油膩。
1
菜餃面有黑松露點綴，味道就唔係好食到。饀料除咗菜苗，仲有蝦膠。
三寶好大件，無切開。蔥花切得好隨心。
清灼菜心。從碟邊兩粒菜頭可見亦是比較隨性。
排骨飯的份量與iphone相若。
另外，想講講服務質素。平時有開去北京樓唔同分店用餐，有比較之下，沙田係大幅落後。
首先，店員無反應又奇怪。用餐途中收哂我哋枱嘅茶水，唔俾返我哋。問佢佢先至俾返。上菜、收碟都係「靜音模式」。到中後期直頭唔收碟，成枱點心籠同疊起哂嘅碟。埋單又係好難先搵到店員幫手。
應該唔會再嚟沙田分店。呢個價位值得有更好嘅體驗。
