薩莉亞意式餐廳 (現崇山商場) (已結業)

今日Lunch同事話去間好抵食的餐廳食意粉，仲要係有免費添飲一去到唔洗等位，但好多中小學生，幾嘈，不過小朋友都係咁架喇。我地5個人坐低，侍應話今日汽水機壞了冇汽水冇計，飲其他咯。我點左鮮茄煙肉意，$31就已經包左任飲。我出去睇下有乜飲，除左汽水機，原來有好多款茶包，有Twinning茶包丶花茶包丶宇治綠茶包，另外有熱飲機：咖啡、莫加丶可力丶朱古力，都好多選擇。我揀左莫加，杯莫加好淡飲茶包好過，期望意粉好啲。意粉到了，賣相好麻麻，啲汁好水，食啖試下先，鮮茄味好夠而且似用鮮茄煮，有粒粒鮮茄，煙肉有幾片，一般味道，意粉質地就值得讚，因為煮得剛好份量係正常，唔太多唔太少。整體來講食物一般，午餐$31唔算平，我自己就會去返茶餐廳食，雖然可能貴幾蚊同冇任飲，但肯定意粉多餸啲飲品好味啲。