NENE CHICKEN (朗豪坊)

營業中

休息中

韓式炸雞成日都想食，但係都無機會試，今次終於去食。今次分別叫左初雪薯片、雙重滋味無骨炸雞同明洞小食派對。先講每款食物份量，款款都超多，得兩個人真係食唔晒。初雪著片食落幾重芝士味，每塊上面都好多芝士粉，幾濃味，不過就唔係好夠脆。而雙重滋味無骨炸雞，全部都好大嚿，而且啖啖肉，又唔靭，同埋甜酸醬嗰款幾好食，甜甜哋幾開胃，而芝士味方面就乾身左少少，不過都唔錯。至於個明洞小食派對，款式幾多，有魚蛋串、炸年糕、酸菜、紫菜飯卷等，而且每款都幾多件吓。整體都幾好食，可以再幫襯。