意粉屋 (已結業)

行過見到意粉屋既午巿套餐好抵食，就入去試。意粉屋既環境光猛整潔，天花裝潢特別，梳化坐位寬敞舒適，而且服務有禮。咁既環境，以幾十蚊既價錢食到沙律、餐湯、主菜及附上餐飲，實在是物有所值。叫左個酥皮意大利菜湯，煙三文魚蜆肉特色飯。餐前先奉上煙三文魚沙律。沙律菜新鮮，煙三文魚較乾身，味道ok。酥皮意大利菜湯，賣相吸引。個酥皮唔油夠酥夠脆好味道。個湯濃郁醒胃又好足料，除左雜菜，仲有通心粉，正。煙三文魚蜆肉特色飯。個飯黏黏實實，口感不錯。整個飯口感層次豐富，味道尚可，不過較鹹及飽滯。