SHAO (已結業)

餐廳細小但氣氛不錯。五個人叫左兩個餐，加一個意粉同鵝肝漢堡。首先講下個頭盤龍蝦tata，牛油果好硬又冇味。D 龍蝦都冇乜味。牛舌串燒不錯，都幾容易入口。慢煮牛同叉燒都好好食。叉燒半肥瘦剛剛好。鵝肝漢堡裡面有黑松露，煎得剛剛好，入口即溶。明太子意粉都可以，有少少辣，唔食辣既我可以接受。叫左個薯條，加左5蚊轉黑松露蛋黃醬，個醬先係重點！值得加。甜品係義大利雪糕，一個咖啡味同抹茶味。不太甜。整體來說，味道同環境都可以，檯都大，坐得舒服。唯一就係份量太少，個鵝肝漢堡都冇手掌心大，而價錢又偏貴。一個餐298加一一個人食唔飽。