味道樂居酒屋 (元州街) (已結業)

今晚訂咗喺荔枝角公司附近的味道樂居酒屋食晚餐，6:30入座。見到餐牌有一個二人套餐，約五百元，睇落好多嘢食，就試吓叫來一家三口吃。食物質素及份量也好令人滿意，怪不得星期一晚都差不多全院滿座啦！先來一個麻醬豆腐沙律，好清新開胃。當然唔少得叫杯生啤飲下啦！好夠凍，正！餐前小吃嘅雞翼同脆卜卜魚都非常之好味，送酒絕對一流。再上枱嘅壽司拼盤也絕對不馬虎，牡丹蝦刺身好鮮甜，蟹膏帶子壽司係我最愛。幾款燒物都好好味，隻虎蝦大隻到不得了，兩隻燒生蠔仲可以揀唔同味道。個燒帆立貝雜菌非常嘢未，啲雜菌用來送飯一流。仲有燒鯖魚同燒秋葵，認真豐富。二人餐，三個人食都飽到不得了。呢個價錢，呢個質素，絕對係返轉頭的好理由。下次可以試吓嚟買外賣返屋企食，佢有個好豐富嘅外賣便當，下次一於試吓。