華爾登麵包餅店

營業中

休息中

作為黃店，我覺得華爾登可算係典範，因為各種最重要嘅元素佢都包含到，確實係面面俱圓：有捐款，勤表態，緊貼局勢；產品除咗款式多之外，賣相仲超靚仔，特製嘅模同印全部都正到不得了，又經常有新款，吸引顧客買完又買；店面有文宣有打卡位呢啲基本嘢唔在講，仲喺旁邊開多間樓上舖賣其他同路人嘅手作，自己設計嘅公仔亦都出咗一系列嘅 product，呢度又儲咗班忠實嘅 fans。小店嘅 marketing 確實做得相當出色。當然，最重要嘅始終係食物質素，呢方面佢哋絕對係優質，上次我去時買咗件斑蘭蛋糕，未食落肚都已經聞到好大朕斑蘭嘅香氣，咬一口，香味隨即充斥整個口腔，久久不散，蛋糕嘅質感綿密得嚟亦不失軟熟，仲有啲濕潤嘅感覺，唔會乾噌噌，係我喺香港食過最好食嘅斑蘭蛋糕。