鏞鏞．藝嚐館

營業中

休息中

同朋友去到尖沙咀突然想食中式嘢，上網見到依間就嚟試下，畀門面裝修吸引曬注意力，因為真係一啲都睇唔出依間裝修咁靚嘅餐廳係食中菜。可能閒日去唔太多人佢畀咗張大檯我，坐得舒服又望到個海景，坐低咗就叫咗啲點心同燒鵝例牌，點心皮薄餡靚，份量都叫足夠，起碼兩個人食係夠飽。不過燒鵝就真係估唔到咁好食，可能之前多數喺燒味鋪買過嗰啲質素都參差啲，但依次真係好好食，皮燒到脆脆哋又唔會太油膩，少少嘅炭香令隻燒鵝更加香，完全唔會好似之前試幾舊就已經唔想食。價位嚟講當然唔算平，不過嘢食好食，而且環境舒服又有得睇下海景，都係可以接受嘅範圍。整體都好滿意。