Red MR (已搬遷) 新店位置

一向鐘意去red Mr唱karaoke，因為食物質素有保證，今次嚟左唱k lunch，所以叫左兩個lunch set。Lunch set有配餐湯，另外每人一杯野飲。第一個係鐵板西冷牛扒伴薯菜，牛扒煎得少少過熟，但可接受。薯菜份量唔少，亦付上黑椒汁，食落味道不錯，整體份量亦幾足，食得飽！另一個主食叫左石鍋牛仔骨飯。牛仔骨有3,4塊，夠食，而且每塊都有醃過，味道不錯。另外飯份量亦好夠，加上黑椒汁，味道okay的。但係，黑椒汁份量唔多，只係撈到一半飯左右，其實嘅，就變得好乾。湯真係好似粥咁，唔使飲。