影片
更多
2024-07-08
346 瀏覽
想試好耐，佢哋裝修之前已經想去食，裝修完一段時間，終於抽到時間嚟食😙 裝修完，環境梗係更加靚啦😆 去到仲要發現原來逢星期一至五嘅晚市，有部份菜式係做緊優惠！例如鍋物刺身都做緊八折，仲有串燒同飲品，都幾抵食！極上刺身三點 $98三款刺身都好新鮮，生蠔質地都柔滑，冇腥味；赤海老肉質飽滿彈牙；海膽鮮甜，質地都滑🤤北海道海膽壽司 $68呢隻海膽嘅味道同頭先極上刺身嘅海膽係唔同味，朋友覺得呢個海膽味濃啲，佢鍾意呢個多啲，反而我自己覺得極上嗰個就鮮甜啲😌活帆立貝 $48活帆立貝嘅肉質實在啲，會感受到啖啖肉嘅感覺，新鮮就唔使多講啦🙈燒豆腐 $38燒豆腐上面有泰式辣醬汁，本身會以為唔係好match，點知食落又ok match喎！😙墨魚鬚串 $35個口感幾得意，一啖一粒墨魚仔金，燒得啱啱好，唔會太韌，幾好咬口；感覺有少少鹽嘅調味，係ok的🤓芝士吉列蝦飯卷（四件） $38我哋本身以為芝士係鋪喺面燒嗰隻，點知原來佢係匿埋喺飯卷入邊🙊不過佢又匿得幾好😆 同隻蝦味道好夾，加上佢有一啲飯素喺飯卷面，係幾特別幾好食🤩櫻花蝦海鮮炒飯 $140呢個好出色啊！份量勁多，朋友少食三文魚粒，我覺得自己好似食咗一條三文魚 (s
極上刺身三點 $98
三款刺身都好新鮮，生蠔質地都柔滑，冇腥味；赤海老肉質飽滿彈牙；海膽鮮甜，質地都滑🤤
北海道海膽壽司 $68
呢隻海膽嘅味道同頭先極上刺身嘅海膽係唔同味，朋友覺得呢個海膽味濃啲，佢鍾意呢個多啲，反而我自己覺得極上嗰個就鮮甜啲😌
活帆立貝 $48
活帆立貝嘅肉質實在啲，會感受到啖啖肉嘅感覺，新鮮就唔使多講啦🙈
燒豆腐 $38
燒豆腐上面有泰式辣醬汁，本身會以為唔係好match，點知食落又ok match喎！😙
墨魚鬚串 $35
個口感幾得意，一啖一粒墨魚仔金，燒得啱啱好，唔會太韌，幾好咬口；感覺有少少鹽嘅調味，係ok的🤓
芝士吉列蝦飯卷（四件） $38
我哋本身以為芝士係鋪喺面燒嗰隻，點知原來佢係匿埋喺飯卷入邊🙊不過佢又匿得幾好😆 同隻蝦味道好夾，加上佢有一啲飯素喺飯卷面，係幾特別幾好食🤩
櫻花蝦海鮮炒飯 $140
呢個好出色啊！份量勁多，朋友少食三文魚粒，我覺得自己好似食咗一條三文魚 (sor係咪浮誇咗少少？不過真係多😂) 同埋飯粒粒粒分明，又好入味，可以encore 🫰
因為朋友唔食肉嘅關係，所以唔係嗌咗好多特價Menu，下次會撇低佢再嚟試過😎🤣
結論
🫰食物味道有質素
🫰環境寬敞舒服
好味度：8.5/10
回頭度：9/10 (想試佢個鍋物！)
🎡餐廳資料
餐廳名稱：鳥山名
餐廳地址：荃灣青山公路 - 荃灣段398號愉景新城1樓1025-1026號舖
營業時間：星期一至五11:45-15:00 & 18:00-22:30；星期六至日及公眾假期11:45-16:00 & 17:30-22:30
張貼
