小皇子冰室

營業中

休息中

叫咗個外賣芝士焗魚柳意粉$63味道幾好食嘅，意粉唔係平時茶餐廳粗身淋身嗰隻，魚柳都有三小塊。味道偏向忌廉粟米口味，冇咩芝士味。但係好食嘅但正價來講真係太細份！平時食開嗰啲焗飯焗意粉都會滿晒成個錫紙盒，呢度得三份二完全唔飽意粉堆埋一齊得呢度少少你話如果下午茶40幾蚊我會接受呢個份量，但我係正價$63買，呢個份量簡直過分左平時喺呢頭返工，成業街都有四間冰室，有其他選擇情況之下唔會選擇再食呢間，其他價錢平啲份量又多啲！係咁多競爭情況之下，要做得好過隔離，真係要考慮吓價錢同埋份量