La Parole (已搬遷) 新店位置

我訂咗星期五晚, 下午已經有人打嚟confirm, 仲話人數和時間有改, 記得通知佢地. 我心諗咁認真既. 一行六人好早就去到, 佢話未set好枱, 仲要我地等咗一陣, 後來都陸陸續續有好多枱到咗, 之後冇幾耐都坐滿晒, 真係幾旺喎, 離開時見到門口原來有人等位添. 但我地食完之後都坐咗半個鐘先走, 佢地都冇催喎, 都唔錯.啱情侣拍拖, 我地遇到個waiter又好好喎, 我地本來叫咗 三個頭盤, 三個主菜, 三個1 kg 青口煲, 佢就提我地, 話最好先叫兩份青口煲先, 唔夠再加, 哇! 好在聽佢話, 唔係就真係太多野啦, 而家叫兩份既, 個個都話好飽, 三個青口煲肯定食唔晒. 另外我地有人想要白飯, 問佢有冇, 佢話都有既, 但我地見好耐未嚟, 催佢時, 佢話煮緊喎, 到碗熱騰騰既白飯時, 見到好似未收晒水添, 認真新鮮. 唔知係咪人手少, 成晚見佢地都好忙, 不過你叫佢加水, 都好快手. 食物唔錯…總括黎講係全部都好好味.....d services都好好, 好nice,又親切.....由其是個waiter,真係好好~~間restaurant既環境係好warm,好有feel~呢餐比