東哥點心籠仔蒸飯專門店 (已結業)

有時響巴士站等車經過見到一間叫東哥火鍋，有任飲任食， 8點前入座，成人都係$188,8點後只係$158,好抵！ 我哋被安排坐向卡位比較舒服。  除咗火鍋配料任食，仲有點心任食！ 有成12款，而且款式唔hea嫁！ 例如有東哥蝦餃皇，蟹籽燒賣皇，百醬蒸鳳爪，芋頭蒸排骨等等！蟹籽燒賣皇大大粒除咗裏面嘅豬肉係鮮嫩可口之外鍾意外地真係有蝦，而家晏晝去食點心加埋一，燒賣皇都要三十幾蚊一籠，依家有得任食，真係正！                                                                               真係估唔到， $188任食，都可以食到靚牛！除左有特級肥牛同澳洲和牛粒之外，仲有美國頂級牛板腱，美國頂級肩胛牛肉，好鬼正！仲有新鮮手打墨魚滑，好鮮味，墨魚再打至起膠，更放入粒粒墨魚肉一起攪拌，軟硬適中有嚼勁！ 飲品任飲，除左有獅威啤酒同嘉士伯之外，仲有森美果汁同唔同嘅韓國汽水，同可口可樂等等！仲可以響邊度食到高質食物而又抵食嘅？