漢陽苑韓國料理 (已結業)

今日放LUNCH突然好想去食韓國野,咁岩係依頭幾個人就走左上去喇,都好快就帶左我地入去,一開始就幫我地開爐,好肚餓既我地就即刻想食野,都唔算太多人既,所以都幾舒服,另外既就係,依到肉既種類都算有好多,醃得都唔錯,起碼都算新鮮既,熟食都有好多嫁,不過唔算太吸引,因為好多都係炸野,而且凍左既都應該唔太好想,賣相就一般,不過真係勝在咩都有,咖哩魚旦呀,泡菜呀,不過依個就唔太好食,好辣,但又無咩特別咁,仲有壽司同埋魚生,不過都係一般,夠新鮮不過唔夠厚,無咩特別,反而鰻魚算係唔錯,幾好味,仲好多種唔同既甜品,雪糕都有幾種唔同既味,仲有D凍既TART咁,不過唔算太吸引,服務就唔講得上太好,因為都無咩點理我地,不過都好,起碼唔會煩到你既,咁既價錢算係唔錯嫁喇。