聯記川王涼粉 (已搬遷) 新店位置

去到聯記，都成12點過後，想食回鍋肉，點知話無，揀另外幾樣，都話無，隱約聽到個廚話無呢無路，問個收銀靚姐姐到抵有乜，佢話得水煮魚喎，無計啦，焗住要兩份水煮魚套飯，客又唔係多，就唔知點解等好耐。搭車歸家一打開，就見到個盒概爆晒，連塊紙皮都跌埋入裡面，比D汁浸住晒，真係頭都痕埋，心諗一係食水煮紙皮魚，一係兩人食一份送，我好細膽，怕肚痛，揀後者，一路食，個心好唔舒服兼肉赤！無端端無幾十蚊仲要2人食1送。至於味道唔駛講，無初時食咁好食啦！敬告老板，味道已經退步，包裝仲係咁真係唔掂，諗諗點改善啦！