Wagyu Ya (已結業)

放學又同朋友和牛屋食和牛，我地成日話好飽好飽跟住又繼續食，笑料。Special tasting menu$888一人（最少2人）Menu有好多嘢食，選擇都好多。但因為我地諗唔到食乜好，所以都係叫咗套餐。Wagyu Salad和牛沙律新鮮蔬菜加上酸酸地嘅汁夠開胃，仲有櫻花蝦添！和牛輕輕烤過，好濃味。Wagyu Shiso Tempura和牛紫蘇天婦羅外表精緻，仲有紫蘇花同紫蘇葉減低油膩感。炸粉好薄，炸完都可以鎖住肉汁。Wagyu Foiegras Sando和牛鵝肝三文治個三文治有好香嘅牛油香味，鵝肝都好肥美軟滑；吉列和牛又香，外脆內軟。食完仲有蕃茄仔解膩。仲有金箔好精緻。Meat Platter和牛拼盤一開始店員幫手燒薄燒和牛，超大塊！一燒就熟，油脂分布平均。點蛋汁食更香滑惹味，仲可以加上香蒜同埋大蔥。之後有拼盤俾我哋自己燒，分別係：牛舌，西冷，牛肩胛，牛三角。牛舌好爽口彈牙、另外三款就好肥美，入口即溶。有岩鹽燒汁同埋燒汁可以點，店員都好有耐性解釋。Wagyu Japanese Style Clay Pot Rice和牛櫻花蝦舞茸釜飯一打開就充滿菇嘅香味，底部仲有啲飯焦。頂部牛肉嘅份量