牛扒先生 (青衣城1)

營業中

休息中

之前見買一送一個和牛套餐，都幾吸引。$498買一送一，有2個主菜，可以自助沙律吧及甜品吧，仲有餐湯。不過會用原價加一，埋單$598 ，服務都幾好，會勤收碟同加水。日本和牛威靈頓好香好酥脆，層層酥皮包著和牛，有ham咸香，菇嘅香，最好味係和牛入口即化，好香好重牛味，牛脂豐富，滿口油香，食完有d膩，5成熟，多肉汁又嫩腍日本和牛味噌燒和牛比較有咬口，肉紋油花都靚，越咬越出牛味同油香，燒玉子甜甜地，有日式風味。蕃茄本菇意大利飯好好味，蕃茄味突出，意大利飯有咬口，西日fusion 好味自助沙律吧有10多款，最好味係雜果沙律，泰式魷魚都爽彈，但唔夠辣。通粉沙律及薯仔沙律好味，但好快膩。腸仔沙律都好多料南瓜湯睇落好似好淡好水，但原來都creamy有南瓜香，味道仲好好鬆餅 難食，乾硬，無牛油香，仲慘過食乾麵包，又太飽膩自助甜品吧最正係朱古力撻，味道濃郁，入口細滑，甜而不膩，食左兩件。朱古力布朗尼鬆化，幾濃朱古力味，又唔太甜，都讚。豆腐花，雖然凍食，但都好重豆味，正。