Buzz Grill Bar & Cafe (已結業)

近排大埔開咗好多新餐廳，今日我就同屋企人去咗食串燒。呢間餐廳好特別你係可以帶寵物去一齊食飯，佢仲有寵物餐牌，唔怕餓親你嘅寶貝啦。佢食物都有幾個款式，海鮮、肉、菜樣樣皆有。我哋叫咗唔同款嘅串燒，個鵝肝一定要讚，食落去真係有入口即溶嘅感覺，肥美好食！佢個和牛都同埋牛舌都好淋同埋淡淡肉，正！個翠玉瓜清甜爽脆，個雞髀菇都好爽口。我叫咗個燒豬仔髀，係佢推薦既菜式，平時好少食豬髀，食落去d肉超級嫩滑，我以為自己食緊雞髀！