11
2
4
等級1
2
0
咖哩牛腩飯是一場災難
2021-03-24 277 瀏覽
花園粗聲粗氣都唔係第一日既事，不過之前食過都慣啦。不過今次入到去想叫佢個waiter攞個menu點知一句撻埋黎，我送餐既。然後就走左，可能係我見識少唔知佢地架構分得咁細，只係有少少唔氣頂，如果友善少少會好D。咁服務態度都唔會令到我想寫食評既。講番食物，因為好耐無食過咖哩牛腩飯咁叫過黎食啦。屋企人本身都嚴重警告我千祈唔好食，不過小弟我不聽老人言，叫左....咖哩水啲稀啲 算啦 不過都唔係好夠汁，咁水都唔夠汁。撈飯都唔夠何況點阻止佢啲牛腩發光發亮!!!!!啲牛腩誇張到 可以用比煲湯瘦肉更柴既肉 咬到牙都軟埋。最後食剩兩舊真係搞唔掂 仲好意思收我60幾銀。都未食過啲咁差既咖哩牛腩飯，咖哩牛腩飯有咖哩個容錯度已經好高，但係佢直頭錯到離哂大譜，將食得野既變成唔食得。可以用災難黎形容，強烈建議大家千祈唔好好似我咁咖哩牛腩飯，拜託各位!
更多
花園粗聲粗氣都唔係第一日既事，不過之前食過都慣啦。
不過今次入到去想叫佢個waiter攞個menu點知一句撻埋黎，我送餐既。然後就走左，可能係我見識少唔知佢地架構分得咁細，只係有少少唔氣頂，如果友善少少會好D。咁服務態度都唔會令到我想寫食評既。
講番食物，因為好耐無食過咖哩牛腩飯咁叫過黎食啦。屋企人本身都嚴重警告我千祈唔好食，不過小弟我不聽老人言，叫左....
咖哩水啲稀啲 算啦 不過都唔係好夠汁，咁水都唔夠汁。撈飯都唔夠何況點阻止佢啲牛腩發光發亮!!!!!
啲牛腩誇張到 可以用比煲湯瘦肉更柴既肉 咬到牙都軟埋。最後食剩兩舊真係搞唔掂 仲好意思收我60幾銀。
都未食過啲咁差既咖哩牛腩飯，咖哩牛腩飯有咖哩個容錯度已經好高，但係佢直頭錯到離哂大譜，將食得野既變成唔食得。
可以用災難黎形容，強烈建議大家千祈唔好好似我咁咖哩牛腩飯，拜託各位!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食
推介美食
  • 沒有