阿來東南亞風味 (已結業)

黎廣華街食野，行到街尾見到呢間東南亞餐廳，主打泰菜。全日免加一。我地兩個女仔，叫左一菜、一湯、一主食。馬拉盞炒椰菜苗（$58）黎到即刻覺得炒得好香，菜苗都幾多，味道唔會好鹹。軟殼蟹火山包（$138）呢個火山包算係打卡之選。兩隻軟殼蟹切開四大件，用一大個農夫包裝著咖哩汁。個咖哩汁唔算好濃，味道差少少，但係份量搭救，多到滿瀉，配飽食真係幾正。軟殼蟹大大隻，炸完都幾脆身。椰汁雞湯（細）（$58）呢個椰汁雞湯我地幾鐘意。有冬陰功嘅酸味，又有椰汁嘅味道，入面仲有好多菇同雞粒。啲雞係滑嘅，非常入味添。埋單$264，總括黎講味道都幾正常，又抵食。裝修係茶記裝修，有三個卡位，地方算乾淨整潔。