八味客棧

營業中

休息中

講真……裝修就係故色故香嘅，感到店家誠意，不過就到喉唔到肺咁，可能有好多限制，地方，擺設……同埋係酒店入面，經過見到一堆人一堆行李，確有少少影響格調。不過我又唔係有錢人，其實無咁講究嘅。最重要食物如何。一座低先比左前菜你……一條用汆好靚盒裝住嘅頂，太瘋小籠包尚算有水準，如加D薑絲我覺得更理想。黑松露波波素餃，本身黑松露一咬就湧出嚟，粒粒素都係個D料，但個皮薄，呢個可以一試。蘿蔔千絲酥出面好多酒樓都有，味道都一樣，,又係睇個皮，呢度個酥皮夠薄，必試。最值得推薦嘅黎啦…客棧茶拉米素即係"Tea"ramisu用我最愛伯爵茶做底而唔係咖啡，首先佢用煲仔已經好eye-catching，個味用茶同咖啡都有異曲同工之效，加上佢用好多酒好香好濃，口感好soft，好滑。本身有唸過千層一酥，但……呢個不得不試喎。因為主要我一個人食對面個個食少少陪我試新嘢，所以好夠。中上價位，但幾樣有驚喜……裝修其次吧！同埋人手不足但服務不錯喎，有禮講解詳細，香港係要呢D服務質素唔好理價位……咁先可以做落去。