紅火鮮料火鍋專門店

營業中

休息中

睇到上網介紹呢間餐廳cp 值高， 專登今日去試下。有得揀打邊爐、韓燒、刺身，一場嚟度，當然要試最貴，要晒三樣，但其實要晒三樣都係差唔多200 咋，可以滿足晒三個願望，真係好抵食。叫咗花膠雞湯底，好足料，有半隻雞、幾塊花膠，落野食之前，飲咗碗雞湯，超級鮮味！之前上網睇係用紙去嗌嘢食，而家改咗做用QR code，非常方便。有知非常好嘅位係，通常打邊爐嘅餐廳最多都係可以半碟咁嗌，但呢度嗌嘢食可以一件一件咁嗌，啱晒我呢啲每樣都想試嘅人。呢度有好多款嘅海鮮可以揀，特別係呢個象拔蚌同埋魷魚，非常爽脆、鮮嫩。炸物非常推薦榴槤炸彈，上碟嘅時候仲係好熱口，而且入面仲有唔少嘅榴槤果肉。