影片
更多
2016-10-17
1388 瀏覽
今晚係一個特別嘅晚上, 係我和他相識二千天紀念。由相遇，相知，相識，相愛-- 經歷咗甜酸苦辣。人生，理應像一頓佳餚一樣， 由開始到終結，都包含著百味。 就正如我和他一樣細水長流。為左慶祝,K先生特意搵咗呢一家隱世嘅法式私房菜《AMINA Modern European 》， 好讓我和他品嚐人生滋味。呢間私房菜位於尖沙咀龍記大廈， 一進入餐廳， 已經被浪漫嘅氣氛籠罩。 我哋被安排係一間房間裏面， 真真正正得到二人世界。 一坐低，侍應就禮貌的地問我哋飲sparkling定non sparkling water。Sparkling water伴有青檸， 飲落更加refreshing。另外， 我亦點咗嚟至法國嘅 Jus Raisin Rose cabernet grape juice。 呢支來自法國嘅提子汁， 係出自釀製紅酒嘅葡萄， 顏色呈現玫瑰粉紅， 色澤通透。 口感味酸， 帶點花果香。 喺玻璃杯裏面同冰塊結合， 就如粉紅寶石一樣晶瑩剔透。餐牌上分別有8 course 同 10 courses tasting menu之分。 偶爾發現一件窩心事-- 原來男女餐牌有別，大家不妨細心發掘。今晚品
為左慶祝,K先生特意搵咗呢一家隱世嘅法式私房菜《AMINA Modern European 》， 好讓我和他品嚐人生滋味。
呢間私房菜位於尖沙咀龍記大廈， 一進入餐廳， 已經被浪漫嘅氣氛籠罩。 我哋被安排係一間房間裏面， 真真正正得到二人世界。
一坐低，侍應就禮貌的地問我哋飲sparkling定non sparkling water。Sparkling water伴有青檸， 飲落更加refreshing。
另外， 我亦點咗嚟至法國嘅 Jus Raisin Rose cabernet grape juice。 呢支來自法國嘅提子汁， 係出自釀製紅酒嘅葡萄， 顏色呈現玫瑰粉紅， 色澤通透。 口感味酸， 帶點花果香。 喺玻璃杯裏面同冰塊結合， 就如粉紅寶石一樣晶瑩剔透。
餐牌上分別有8 course 同 10 courses tasting menu之分。 偶爾發現一件窩心事-- 原來男女餐牌有別，大家不妨細心發掘。今晚品嚐咗10 course tasting menu， 以及半打生蠔。 如此豐富， 好比燦爛人生。
自家製麵包配以特色醬： 自家製法包以及提子包， 新鮮香脆。特色醬有香草牛油及蜜糖甘筍， 保持融化嘅香草牛油有如變魔術， 久久都能呈現融化狀態。 蜜糖甘筍醬既有蜜糖香甜味， 亦有甘筍嘅香氣， 兩個醬汁同樣出色。
餐上小品： 48個月嘅西班牙黑毛豬配哈密瓜蓉。 黑毛豬有橡果香味， 口感油而不膩。 哈密瓜打成蓉， 一口喝下， 細緻嘅香味與黑毛豬果香混合。
法國生蠔尤真喜愛 Isabelle ，帶子位較為爽身，鮮甜，蠔味濃，帶有回甘。另一款則是出名的Gillardeau，口感 creamy， 肉質豐厚，海水味濃。
輕煎北海道帶子： 帶子下面鋪有藜麥及椰菜花蓉， 輕煎嘅帶子肉質嫩滑， 上面伴有椰菜花泡沫 ，檸檬橄欖油及三文魚子， 令鮮甜嘅帶子， 不僅帶有三文魚子鹹香， 更有檸檬嘅清香氣味。
美國穀飼牛生牛肉他他： 千祈唔好比生牛肉他他嚇怕，生牛他他混入咗酸青瓜，配以特製爆珠黑醋汁及蒜蓉醬， 令牛肉他他更加開胃，每一口之後夾埋醃洋蔥食，可清新味蕾。
法國春雞mouse：春雞mouse上面放有黑魚子及三文魚子。 春雞mouse口感細滑，伴以番茄凍湯，如混入忌廉更為creamy，加埋去皮蕃茄仔， 味道清新。
龍蝦忌廉濃湯： 龍蝦湯香氣四溢， 味道濃郁，鮮甜上面有數滴龍蝦油，令龍蝦味昇華， 碟邊伴有炒香嘅龍蝦籽， 撈埋落湯度， 令香氣進一步提升。
香煎法國鵝肝： 法國鵝肝外脆內軟， 油分充足，滿口酥香。鵝肝底部有薑餅碎， 中和鵝肝騷味。配埋紅桑莓汁同紅酒煮嘅天使麵， 酸酸甜甜。
檸檬木煙燻阿拉斯加蟹肉： 呢度菜式有啲似分子料理 ， 將玻璃蓋打開 ， 即可聞到檸檬木嘅煙燻香， 新鮮嘅慢煮阿拉斯加蟹肉， 非常鮮甜， 肉質嫩滑 ，伴以爆珠香草醬，及柚子醋，上面放上溫泉蛋， 攪拌後令蟹肉更加細緻。 呢道菜色唔單止有視覺享受，亦刺激嗅覺及味蕾， 就如人生一樣，每件事遇到嘅事物都充滿感官刺激，大讚~~
喺幾度前菜過後 ，有番石榴味雪葩清新一下味蕾。主菜有澳洲M9和牛肩肉眼扒：medium cook 嘅和牛肉眼扒， 肉味香濃， 廚師將生熟度拿捏得非常之好 , 好juicy。黑松露燒汁香氣撲鼻。上面有鮮嫩嘅露荀，牛扒下面亦配有不同種類嘅蔬菜配料，意想不到好吃，黃色燈籠椒 ，白蘿蔔仔， 車厘茄 ，青瓜， 紅蘿蔔。 有如人生一樣色彩繽紛。
甜品朱古力泡芙配埋movenpick雪糕， 就如熱戀中的戀人們一樣甜蜜。
甜品過後，有花茶同埋來自德國嘅茶包選擇， 差不多都有成20種選擇，我選擇了檸檬乾菊花茶， 味道清香 。K先生選擇咗蘋果花茶， 果味香濃， 兩者各有特色。 有如人生一樣充滿選擇，令人眼花繚亂。
最後，雪影：原來係五款不同口味嘅朱古力，有黑榛子朱古力，松露朱古力，士多啤梨白朱古力同埋果仁朱古力。 有甜有苦， 就好似我和k先生一樣甘苦與共。
非常感激K先生為我安排嘅呢一頓晚餐, 令我從味蕾上面，品味人生。
張貼
