影片
更多
2018-03-15
695 瀏覽
去大陸出差成日都會食火鍋，我最鍾意食係麻辣火鍋同椰子雞鍋。喺香港未食過椰子雞鍋，朋友就帶我嚟四季文昌試吓，喺正尖沙咀，地點好方便。雖然唔係地舖，但樓梯夠大，又有啲木架連擺設，門口都好易搵啫！坐位都係梳化位，好舒服。大家都叫左個椰青飲，夠晒冰凍清甜。唔駛諗，叫左個原味海南椰子文昌雞鍋，連半隻文昌雞只係$128，價錢都好合理。湯底係椰青水，仲有一片片椰青肉。店員放左碟雞肉落去，話等個沙漏倒數完就可以開鍋食。雞肉好嫩滑，又彈牙，我哋快快食，怕煮得耐會令到啲雞肉過老。調味料有辣椒、桔仔、沙薑，不得不提個沙薑，係新鮮沙薑蓉，帶少少薑汁，真係超好食，唔辣味又香，同啲文昌雞好夾。平時我都唔會食沙薑，但朋友大力推介，即管試一口，真係好食到停唔到口，好得！叫左臘味芋頭煲仔飯打個底，2-4位用$78，好大一鍋，都裝到十碗八碗飯，唔係誇張，細鍋都咁大鍋，好抵食。飯面全部都係臘味粒同芋頭粒，面頭仲有好多芫茜，好香。最好焗多陣先食，咁會有多啲飯焦，香口啲。極尚和牛拼盤，一碟有齊五款牛。最好食我覺得係佐賀A5和牛牛肩，油脂非常豐富，淥熟左都可以睇到肉與肉之間夾滿晒牛油，入口嫩滑同時又有咬口。第二係加拿大牛舌粒，爽
去大陸出差成日都會食火鍋，我最鍾意食係麻辣火鍋同椰子雞鍋。喺香港未食過椰子雞鍋，朋友就帶我嚟四季文昌試吓，喺正尖沙咀，地點好方便。雖然唔係地舖，但樓梯夠大，又有啲木架連擺設，門口都好易搵啫！
坐位都係梳化位，好舒服。
大家都叫左個椰青飲，夠晒冰凍清甜。
唔駛諗，叫左個原味海南椰子文昌雞鍋，連半隻文昌雞只係$128，價錢都好合理。湯底係椰青水，仲有一片片椰青肉。
店員放左碟雞肉落去，話等個沙漏倒數完就可以開鍋食。
雞肉好嫩滑，又彈牙，我哋快快食，怕煮得耐會令到啲雞肉過老。
調味料有辣椒、桔仔、沙薑，不得不提個沙薑，係新鮮沙薑蓉，帶少少薑汁，真係超好食，唔辣味又香，同啲文昌雞好夾。平時我都唔會食沙薑，但朋友大力推介，即管試一口，真係好食到停唔到口，好得！
叫左臘味芋頭煲仔飯打個底，2-4位用$78，好大一鍋，都裝到十碗八碗飯，唔係誇張，細鍋都咁大鍋，好抵食。
飯面全部都係臘味粒同芋頭粒，面頭仲有好多芫茜，好香。
最好焗多陣先食，咁會有多啲飯焦，香口啲。
極尚和牛拼盤，一碟有齊五款牛。最好食我覺得係佐賀A5和牛牛肩，油脂非常豐富，
淥熟左都可以睇到肉與肉之間夾滿晒牛油，入口嫩滑同時又有咬口。第二係加拿大牛舌粒，爽口彈牙。反而安格斯牛粒雖然牛味唔錯，但有啲韌。
鬼馬蝦滑好多地方都有得食，但呢度唔似出面咁係預先炸左，淥一淥就食得。一放入湯蝦滑同油炸鬼就好快分離，油炸鬼好腍，想溶咁。
雖然蝦滑夠彈，蟹籽夠多，但都係要預先炸熟先會好食，失敗之作。
七彩芝士流心丸有七隻顏色，七款味道，個樣係靚既，但唔係隻隻味都夾到芝士味。
士多啤梨味有啲怪
斑蘭味就帶啲清香。芝士做到流心效果，都係個好嘗試。
張貼
