竹麓拉麵

營業中

休息中

Item: 竹麓拉麵
Rating: 5
Author: yeukshuenfung

Takeroku Ramen

4.5

26 食評

味道

環境

服務

衛生

抵食

723

將軍澳

$51-100

日本菜拉麵

yeukshuenfung

等級4

728

將軍澳唐俊街MONTEREY Place地庫開咗唔同新餐廳，其中日本過江龍嘅「竹麓拉麵」係我無食過嘅，所以緊係試依間，原來依間餐廳係拉麵職人竹麓輔先生於1996年創辦，喺依度可以Order到「Cha time」嘅出品，所以飲品選擇都幾多，另外，依度嘅半身若雞的確幾高質，屋企人都好鍾意食。*此餐廳收取加一服務費。和牛肉鹽風拉麵（單點$118），鹿兒島A5福永和牛牛肋肉肉質嫩滑，脂肪比例較高，食落油脂味濃，配以炸蒜、香蔥、京蔥食用，食落好香口，溏心蛋流心效果突出，湯底採用日本產牛筋、日式天然岩鹽製作，湯頭色澤清澈，但飲落牛味濃厚。海老味噌拉麵（單點$108），表面鋪有豆苗、香蔥，三文魚皮口感香脆，鮮蝦表面鋪有蝦籽，肉質彈牙，食落有雙重海老鮮味，湯底採用赤味噌製作，味道微辣帶鹹，拉麵口感爽滑。半身若雞（單點$78），雞皮炸得金黃酥脆，雞肉食落好Juicy，一搣開隻雞脾，D肉汁、雞油已經開始流落隻碟到，採用礦物質的岩鹽、昆布高湯作調味，雞肉醃得好夠入味，食落味道鹹鮮，配以檸檬汁食用，味道清爽，最驚喜嘅係雞骨都炸得好薄脆，亦可以食用。黑豚肉餃子（單點$48），外皮香脆，黑豚肉肉味濃香，配以辣椒油

將軍澳唐俊街MONTEREY Place地庫開咗唔同新餐廳，其中日本過江龍嘅「竹麓拉麵」係我無食過嘅，所以緊係試依間，原來依間餐廳係拉麵職人竹麓輔先生於1996年創辦，喺依度可以Order到「Cha time」嘅出品，所以飲品選擇都幾多，另外，依度嘅半身若雞的確幾高質，屋企人都好鍾意食。

*此餐廳收取加一服務費。

和牛肉鹽風拉麵（單點$118），鹿兒島A5福永和牛牛肋肉肉質嫩滑，脂肪比例較高，食落油脂味濃，配以炸蒜、香蔥、京蔥食用，食落好香口，溏心蛋流心效果突出，湯底採用日本產牛筋、日式天然岩鹽製作，湯頭色澤清澈，但飲落牛味濃厚。

海老味噌拉麵（單點$108），表面鋪有豆苗、香蔥，三文魚皮口感香脆，鮮蝦表面鋪有蝦籽，肉質彈牙，食落有雙重海老鮮味，湯底採用赤味噌製作，味道微辣帶鹹，拉麵口感爽滑。

半身若雞（單點$78），雞皮炸得金黃酥脆，雞肉食落好Juicy，一搣開隻雞脾，D肉汁、雞油已經開始流落隻碟到，採用礦物質的岩鹽、昆布高湯作調味，雞肉醃得好夠入味，食落味道鹹鮮，配以檸檬汁食用，味道清爽，最驚喜嘅係雞骨都炸得好薄脆，亦可以食用。

黑豚肉餃子（單點$48），外皮香脆，黑豚肉肉味濃香，配以辣椒油醋汁食用，味道更佳。

凍飲大杯黑糖珍珠鮮奶（單點$39），珍珠口感煙韌，食落帶有黑糖味道，黑糖鮮奶飲落奶味醇厚、甜度適中。

凍飲大杯哈密瓜布丁西瓜奶茶（單點$38），微糖少冰，哈密瓜布丁份量多，口感滑溜，味道香甜，西瓜奶茶雖然Order咗微糖，但甜度7.5分，布丁、奶茶飲落就係哈密瓜、西瓜香精味道，唔覺兩樣嘢嘅味道夾，亦唔覺得味道好差，但一般般。