樂茶軒 (大館)

營業中

休息中

偶爾喜歡去大館打下卡📸浸淫下歷史文化氣息，慢活一下。想更加chill，感受更多，可以去埋係廣場地下嘅樂茶軒，食個lunch，飲下茶🍵呢度分開室外同室內位置，室外可以曬下太陽好舒服☀️室內就同大館本身嘅歷史建築完美融合。其實呢度係一間非一般茶館，有好多種類嘅茶可以品嚐，吧台後放滿一罐罐茶葉，而另一邊則放滿酒杯，因為呢度有得飲茶啤🍻融合中式茶葉同啤酒，好新奇😆😆呢日lunch就嚟嘆下茶，食點心，點心全部都係素🥦整個體驗都好特別👍🏻👍🏻孜然彩椒羊肉串聞落好香孜然味，造型好像真😛羊肉其實係豆類做成，質感彈牙，咬落甜甜地幾特別。芥末蜜糖魷魚圈好香口，估唔到用素菜都扮到真嘅魷魚圈一樣，好香口😙😙豉油皇炒素牛腸粉每次飲茶都鍾意叫炒腸粉，牛肉應該係用菇類整成，但食落幾可亂真，真係有牛肉嘅質感🐮加上惹味嘅炒腸粉，幾好食😋😋焗素蟹餅咬開見到一絲絲嘅餡料真係幾似蟹肉，口感軟滑，面頭加上少少刺激嘅芥末醬都唔錯😚和風素菜福袋呢款就相對清啲，餡料有啲藜麥、粟米、菇菌等，比較清新。上湯浸時蔬最後食返個清爽啲嘅菜中和一下。金花茯磚茶（2019年金獎）呢度🔝10嘅茶品，睇住姨姨好純熟地泡茶、溫杯、沖泡，整個過程都好專業👏