影片
更多
2021-08-20
2799 瀏覽
【十二味】#大圍 #川菜今日終於約到一個同我一樣鍾意食辣嘅朋友，所以就同咗佢一齊去食我哋兩個都好鍾意嘅麻辣菜。前排喺觀塘食過呢間十二味之後就一直對佢印象極佳，覺得佢嘅食物價廉物美，尤其係lunch set，具備非常高嘅性價比。今次喺晚飯時段嚟到大圍分店嘅，一推門入去已經見到人潮洶湧，可見佢嘅人氣都非常之旺，好多人慕名而來。最後我哋兩個叫咗一份飄香毛血旺配粉條（中辣，加麻｜$176 ），大大兜夠晒我哋兩個人share嚟食。不得不說毛血旺呢款菜式簡直滿足晒我哋兩個人嘅所有願望——既有非常香口嘅麻辣湯底，又有我最鍾意嘅鴨血，仲有各種唔同嘅配料，譬如午餐肉、豬肚、豆芽等等，應有盡有，加埋我最最喜愛嘅粉條，真係食到停唔到口！總結嚟講，上次我同朋友喺午餐時間食嘅話，每人$100消費可以食到三個lunch set，今次喺晚飯時間，都要將近$100嘅消費，雖然同樣食得都好滿足，但飽肚程度就略略遜色於上次喇，所以性價比而論都係午餐時段比較吸引！———————————————#十二味十二味 (搵食市集) (大圍)大圍村南道45-47號搵食市集1樓11號舖
今日終於約到一個同我一樣鍾意食辣嘅朋友，所以就同咗佢一齊去食我哋兩個都好鍾意嘅麻辣菜。
前排喺觀塘食過呢間十二味之後就一直對佢印象極佳，覺得佢嘅食物價廉物美，尤其係lunch set，具備非常高嘅性價比。今次喺晚飯時段嚟到大圍分店嘅，一推門入去已經見到人潮洶湧，可見佢嘅人氣都非常之旺，好多人慕名而來。
最後我哋兩個叫咗一份飄香毛血旺配粉條（中辣，加麻｜$176 ），大大兜夠晒我哋兩個人share嚟食。
不得不說毛血旺呢款菜式簡直滿足晒我哋兩個人嘅所有願望——既有非常香口嘅麻辣湯底，又有我最鍾意嘅鴨血，仲有各種唔同嘅配料，譬如午餐肉、豬肚、豆芽等等，應有盡有，加埋我最最喜愛嘅粉條，真係食到停唔到口！
總結嚟講，上次我同朋友喺午餐時間食嘅話，每人$100消費可以食到三個lunch set，今次喺晚飯時間，都要將近$100嘅消費，雖然同樣食得都好滿足，但飽肚程度就略略遜色於上次喇，所以性價比而論都係午餐時段比較吸引！
———————————————
#十二味
十二味 (搵食市集) (大圍)
大圍村南道45-47號搵食市集1樓11號舖
張貼
