沙嗲軒 (已結業)

「沙嗲軒」位處酒店地庫，算得上叫做一間酒店附設餐廳，但由於並非處身尖沙咀、銅鑼灣或金鐘的五星級酒店，定位與坊間一般星馬菜餐廳差不多，價錢合理。話說回頭，除非食辣椒蟹、胡椒蝦，星馬菜一般唔會好貴。裝修非常簡約，甚至乎沒有任何星馬熱帶風情；始終附設於酒店內，餐枱之間相當寛敞，與其他星馬餐廳的相對擠迫始終有一些分別，用餐環境相當舒適。如果最近幾年去過星加坡旅遊，對於大熱手信鹹蛋黃薯片或者鹹蛋黃魚皮應該不會陌生，估唔到「沙嗲軒」也有得食黃金脆魚皮（$50）。份量唔算好多，但作為頭盤小食就剛剛好。表面望過去鹹蛋黃蓉的份量唔多，但肯定處理得非常幼細，完全見不到結成粗粒狀的鹹蛋黃；香葉夠大塊、沒有碎濕濕，顏色呈現鮮墨綠色。果然是新鮮自家炮製，整體賣相遠勝廠房大量生產、預先包裝的鹹蛋黃魚皮。每一塊魚皮都熱辣辣兼脆卜卜，甚至有點燙口。味道滲著淡淡香葉香氣及適度的鹹蛋黃鹹香，並沒有包裝脆魚皮過量的鹹蛋黃油及偏鹹的毛病，好食到唔停得口。去星馬餐廳食飯，串燒沙嗲係指定動作，今次要了雞、豬沙嗲。根據多次食星馬沙嗲的經驗，是否採用靚雞肉或豬肉唔係重點，只要簡單保持雞有雞味、豬有豬味已經可以了，因為沙嗲肉類多數會用