茶木‧台式休閒餐廳 (已結業)

可能元朗呢間新開啦，啲員工做野勁生手。 都有去其他茶木分店食，等勁耐就梗架喇，但元朗呢間，等既時候留意到佢啲員工做野勁唔快手，明明都有空枱，都唔拿拿臨帶位，啲枱空左一陣，負責安排帶位的員工都唔得爽手。出面勁多食客排隊，比著其他餐廳，識做既一定唔會咁慢...更加唔會自己傾計都唔俾客人入去坐住先，可能茶木覺得佢唔憂做啦，啲客等成個鐘都會等，日日勁多人排隊，罰企冇分別，其實食個飯啫，等成粒鐘真係攞苦黎辛! 但新元朗中心食肆又冇乜幾多間，唯有局等。 野食質素方面，點左台式炸雞排麵同排骨麵，都係keep 住茶木既水準啦，同其他分店一樣，係好味既。雞排新鮮炸起，份量多，用籃上賣相亦好，台式麵都夠彈牙，牛肉面湯底亦有風味。排骨賣相同味道亦有水準。但呢個價錢食一碗麵，其實同區好多台灣食店都做到好有風味既台灣麵了，性價比好好多，茶木都幾貴下，分別可能就貴在個裝修，同啲特別賣相的碗同杯。成餐飯有二個員工打爛野，好驚 可能啲碗太重，佢地拎唔慣啦。飲品就叫了柚子梳打，係柚子茶溝梳打水，簡單得黎好味，不是間間台式餐廳都有得飲。仲有珍珠奶茶，不過不失的味道，以珍珠奶茶味道黎計，個人覺得街邊的台式珍珠奶茶好味啲