高興 (已結業)

今日三號風球同朋友2人去，去到得幾枱客，一入去被安排坐二人枱，朋友話張櫈唔舒服又見隔離4人枱冇人就坐左過去，然後好快有個男侍應走過黎叫我地坐返2人枱，我朋友話張櫈太軟唔舒服想換個位，男侍應好大聲兼且勁冇禮貌話:「要坐返隔離二人枱，我地全部客人都係咁」，呢位侍應態度勁差，完全係趕客！以後唔會再幫襯！如果公司規矩冇得轉位可以理解，我都絕對唔會令你難做，但唔係一黎就大大聲鬧客，服務態度極差需要再培訓！食物質素方面一般，叫左一個咖喱牛肉蛋飯、卡邦尼意粉同黑松露薯條。牛肉太熟冇牛肉味，卡邦尼意粉無味，直頭係難食，黑松露薯條個醬汁好食。之前上網睇過呢間評價侍應態度差，今日見識到🙂