上樓 (已結業)

先講環境, 夜晚八點左右入座, 被安排到房間的坐位, 諗住房會清靜d, 點知發覺房內已有一圍枱, 大約十四,五人之多! 其實間房已經無咩空位剩, 只係利用d 貼窗和貼牆既小小位置, 開多兩張枱 , 搞到真係又嘈又迫, 真係要寫個服字! 雖然坐到窗邊位, 但隻窗唔係落地玻璃, 係d幾舊下既鐵窗, 成間酒樓d裝修都幾好呀, 點解唔花d錢整埋隻窗呀?!講番d食物:小籠包- 4隻, $36. 好大隻, 肉好多, 但味道麻麻, 皮又唔夠薄, 湯汁少又唔好味.雪菜肉絲湯年糕- $45. 隻碗好大, 實際既份量唔係太多. 味道就ok, 中規中矩, 年糕煙un, 有蝦做配料, 湯底都幾好, 清清地.砂窩雲吞雞- $70. 都幾大窩, 不過雞既份量好少, 只有幾件雞件, 雞有少少鞋口. 雲吞大隻, 肉多d, 所以口感唔夠. 津白好多, 加埋d湯, 幾入味, 好鮮甜. 個湯都可以.免加一茶芥, 所以服務水平唔好, 都算數了. 本身對稻香集團有d信心, 但呢度主打上海菜, 的確大有改善空間. 以後都係去稻香飲茶穩陣d啦.