饕牛記 (已結業)

我係個嗜牛人，本住一試既心態黎（雜誌既魔力真係大），點知一上去既感覺已經唔多好（我都有去開旺角或啲街邊細檔，絕對唔係啲咩上等嫌污穢既人），入到去個裝修好似唔錯，但感覺唔舒服，好格格不入咁。朋友已嗌左幾款招牌野，諗住等食，啲調味料好多都無晒，叫人加左兩次都無人理（大拿拿收$20位架）。嗌左四款牛，脖仁、肥餅、三花趾、吊龍伴，得吊龍伴叫做似樣，其他街市買啲仲靚過佢，每碟得幾塊收成$8x，真係好唔抵。湯底係牛尾骨，有啲苦瓜、蘿蔔、粟米，講到滾左要飲湯先咁緊要，一試，苦瓜水，完全無味可言，食到咁上下再飲，得個鹹字。4條友，嗌左4碟牛、一菜、一蘿蔔、一粟米、一響玲（有怪味的）、2啤酒、1可樂，埋單要$106x（每人$265）真係好唔抵，最唔抵係茶=檯面支水（無人黎加過）+調味料收$20/位，搶錢咩。食物質素、服務態度、環境、無一樣值得比呢個錢黎食，唔會再黎，亦唔會推介比朋友。