東喜茶 (已結業)

今日兩點幾去到見到冇乜人就一心諗住試吓啦，見佢不停開新店，價錢又偏中上，諗住應該幾好飲。order 時收銀員小姐都頗有禮貌，望入裏面環境都尚算乾淨。order 之後等候時間又唔算耐，攞到上手仲好興奮不停影相。點知真係期望越大失望越大以為$30 杯珍珠奶茶有幾特別，又諗住會有喜茶質素，結果完全中伏！茶味唔出，珍珠又有D黐埋，支飲管比平常的幼，完全無法之吸到D珍珠出來啜到哨牙都飲唔到！雖然唔洗排大隊，都唔會再試。