簡品堂

營業中

休息中

最近大熱嘅麻糬波波店，平時經過放工時間要排隊，超熱門❣️今次特登揀咗平日晏晝時間去買～我本身係極度麻糬同包包愛好者，呢度好多款式嘅包包、曲奇餅、麻糬波波、蛋糕等，啱晒我✨麻薯QQ 球有超多種口味，揀咗朱古力oreo、開心果、紫菜肉鬆等等，最愛開心果味，上面仲有開心果粒粒增加口感，全部麻糬QQ球都煙煙韌韌🩷✨麻糬曲奇一盒有四塊，好足料，因為拎起黎重手，咬落唔會太乾入邊係麻糬，整返熱超正🍪✨肉鬆怪獸波波口感好好，外面包裹咗一層紫菜肉鬆，入邊係軟軟嘅麵包包住芝士麻糬，口感超豐富✨曲奇禮盒包裝好靚，可以揀九款唔同嘅手製曲奇，包括咖啡、M&M、竹炭芝士等～送禮自用一流🫶🏻✨港式絲襪奶茶香港人必飲嘅奶茶，呢度又整得唔錯喎，濃濃嘅茶香，口感絲滑😉✨朱古力麻糬麵包&紫薯麻糬麵包返屋企整返熱，朱古力爆曬漿～紫薯蓉唔太甜啱啱好☺️入邊麻糬煙煙韌韌麵包軟熟🍞✨粒粒香芋牛乳卷&特濃牛奶卷蛋糕唔會太乾，香芋牛乳卷cream都係香芋味，蓁蓁好鍾意食～兩款都唔太甜好味🧁