新匯江美食中心

營業中

休息中

人年紀越大越覺得食餐安樂茶飯好重要， 更何況香港正值多事之秋，就更加需要一啲好嘢食去振奮自己嘅心情 ; 但無奈，最係事與願違。 就連去茶記食個好普通嘅涼瓜牛肉飯都會中伏，真係no eyes see.涼瓜牛肉飯，亦即係苦瓜牛肉飯 ; 話明係苦瓜，就算點冇味，都應該有一啲苦瓜味嘅，好無奈呢碟的苦瓜係冇苦瓜味嘅 ; 飯好黏口，口感唔好 ; 個芡汁好杰，好漿口而且好咸 ; 牛肉好大陣雪藏味，完全食唔出有肉味，完全like唔落。完全諗唔明，點解簡簡單單嘅涼瓜牛肉飯都可以煮得唔好食。