拼食三郎 (已結業)

見到新假期介紹呢間的芝士火鍋同埋芝士雞煲，諗住去試下啦，打去book位就full左，一係就book 9 點，咁就walk in 啦。 7點鐘去到等到9點先入得去😥，都算，入面勁細勁迫，我地3人，有張4人枱，諗住係我地坐啦，點知佢話張4人枱係俾訂左位果d人，果時9點，等2個人訂左位，其他都係walk-in. 佢就叫我地坐bar枱，迫到根本坐唔到，90磅的女仔坐都迫到貼住，可想而之有幾逼，果張4人枱最尾又係有兩個walk in客坐。咁佢又話訂左位先坐得😑 講返野食，我地叫左個雙重芝士雞煲，一個芝士龍蝦火鍋，一個雙重芝士火鍋，無乜芝士味，龍蝦果個直頭食唔出有芝士味。個雞煲d雞已經少，得幾舊，都算，但俾返d正常部位呀唔該，雞翼尖，仲有個唔知咩位係成舊筋都咬唔開。係69蚊唔應該要求咁高，但主打芝士都無乜芝士味就唔得囉。火鍋配料，仲少過大家樂一哥火鍋，係靠個烏冬食飽。得2個鐘食呢餐，真係唔值到係得再唔值！