校長燒肉日韓料理 (觀塘廣場)

營業中

休息中

一步入場地就可以感受到抽氣系統不足。帶位後無任何介紹，問先知道火鍋連湯底都係自助，要自己去取。服務員愛理不理，唔耐煩。不論菜或肉都無咩選擇，熟食薯條雞塊又乾又柴又冰凍。食左一個鐘就要埋單，唔知以為夠鐘，雖然佢收左錢無趕你走，但全場油煙真係好難頂。唯一可讚嘅係帶位及收錢同事都有禮貌，叉燒係唯一一樣好食嘅。但如果一早先去火鍋區睇左，我一定唔會加火鍋。因為肉類只有午餐肉，煙肉同燒烤區嘅豬腩片，連最基本唐生菜及肥牛都無。我食左咁多間，唯獨呢間我忍唔住劣評。加上所處大廈又難搭𨋢，應該唔會再去。