影片
更多
2014-04-09
2292 瀏覽
自從openrice有最少字數限制都好少再寫食評，但呢間真係令我重新執筆。雖然係閒日夜晚但生意好好，大枱坐滿晒，全部背脊碰背脊，仲迫過巿區稻香。坐埋牆好似困獸鬥咁出嚟去廁所都行唔到，又驚老人家坐走廊會俾人整親。張枱只係夠放六個人嘅餸，理論上一圍應該有十二人，但我地坐在九個人Ｄ餸已經唔夠放，轉盤有等如無，一轉就打瀉晒枱上啲杯。成餐飯食得非常之唔舒適。一排起碼十張枱，來來去去得兩個侍應。落完單就唔見人，席間想搵人斟水加單難過登天。湯水擺低無人分，等到侍應埋嚟已經分完飲緊。樓下標題又慢態度又差絕到無花無假。最重要嘅食物，有人話呢間抵食，食完真係唔覺。咩叫抵食？我嘅定義係物超所值，或者起碼物有所值。龍蝦伊麵淡到爆，無味道，而且只有龍蝦殼無龍蝦，全部無肉。隻雞連雞脾都勁「鞋」，食完一啖無食。其他海鮮如蟶子、魚、鮑魚就正常，唔特別好食亦唔難食。竹䉀水亦淡而無味，早知叫果汁先生。啲嘢唔好食，而家又唔係食快餐，幾平都無用。無論食物、環境、服務都欠佳，唔會幫襯第二次。
雖然係閒日夜晚但生意好好，大枱坐滿晒，全部背脊碰背脊，仲迫過巿區稻香。坐埋牆好似困獸鬥咁出嚟去廁所都行唔到，又驚老人家坐走廊會俾人整親。張枱只係夠放六個人嘅餸，理論上一圍應該有十二人，但我地坐在九個人Ｄ餸已經唔夠放，轉盤有等如無，一轉就打瀉晒枱上啲杯。成餐飯食得非常之唔舒適。
一排起碼十張枱，來來去去得兩個侍應。落完單就唔見人，席間想搵人斟水加單難過登天。湯水擺低無人分，等到侍應埋嚟已經分完飲緊。樓下標題又慢態度又差絕到無花無假。
最重要嘅食物，有人話呢間抵食，食完真係唔覺。咩叫抵食？我嘅定義係物超所值，或者起碼物有所值。龍蝦伊麵淡到爆，無味道，而且只有龍蝦殼無龍蝦，全部無肉。隻雞連雞脾都勁「鞋」，食完一啖無食。其他海鮮如蟶子、魚、鮑魚就正常，唔特別好食亦唔難食。竹䉀水亦淡而無味，早知叫果汁先生。啲嘢唔好食，而家又唔係食快餐，幾平都無用。
無論食物、環境、服務都欠佳，唔會幫襯第二次。
張貼