金田日式放題 (已結業)

第一次寫食評…因為覺得宜間就係好唔抵食，好伏既感覺琴日一行十人去左金田食。由於一早book左位，所以有大房坐，環境幾好。自問我唔係一個對食物好高要求既人，但果到啲野食真係唔太掂。首先食物種類偏少，我地一坐低諗住叫野食，望住啲點菜紙，以為我地張台少咁幾張，特登過隔離台睇下，點知真係得禁少野食＝＝好失望。不過算啦我地照點菜，但佢好多野食都真係唔黎。你話平時食兩個鐘既放題有時都係咁，可能整唔切。但我地今晚係特登揀左食4個鐘（＄228＋1），打算慢慢食，但佢啲野又唔黎，咁我真係唔知佢寫落菜單到做咩。不如直接係個菜單都刪左去，因為佢有啲食物都係咁做。羊鞍、牛柳粒、牛肉全部都勁“鞋“又“un“，好難食，每人食完一舊之後都唔想再食……刺身都叫可以接受，係成晚嗌得最多既食物。壽司都ok，但就唔肯黎手卷。炸物啲粉多又冇咩味。啲鍋、炒飯、蒸蛋就last order先肯黎。唯一最好既我覺得就係服務態度，啲侍應都幾nice。不過就真係冇下次，成台人埋單二千五食埋啲咁既野，只能說百幾蚊既放題仲好味。