Rimi Cafe (已結業)

登打士廣場有好多俾大家gathering嘅餐廳和cafe。Ground Floor 永遠堆滿了不少sales，係你等時瘋狂地向你推銷自己的餐廳，想係呢道站穩陣腳，無啲真材實料和個人特色都幾難。今次呢間係廣場廿樓，包全層，所以地方十分寬敞，Gathering 嚟講呢點好重要，坐得唔舒服真係咩都唔洗講。不過其實我哋今次嚟最主要係醫肚。初時都有少少擔心。通常呢啲餐廳主打係飲品，係度叫“食送”食同係外國餐廳叫中菜一樣，九死一生。我哋先叫了個小食試試水溫 - 蜜糖雞翼。佢哋啲蜜糖濃度調得啱啱好 (好怕有啲餐廳會將啲雞翼變成糖水雞翼，得個甜字），雞翼燒得恰到好處，肉嫩但不會見到血水。伴菜沙律可以refresh味蕾。見前菜整得咁好，我哋再叫個芝士焗西蘭花，用料絕不吝嗇。一絲絲的芝士食落去好有滿足感。連食肉獸的我也忍唔住食咗半碟。主食：意式青汁雞肉闊條麵。雖然知道呢度嘅芝士長通粉係招牌菜，但再叫芝士就真係太膩了。如果係鍾意西式香料嘅朋友，呢道菜就合哂河車。而且選用檻欖油嚟煮，感覺都healthy啲。餐廳採用較幼的闊條麵，看上好似河粉 （唔係炒貴刁啦）