夢見屋 (已結業)

今日同事韓深生日，諗住食評好似幾好，咁我就提議試吓呢間，因為怕冇位，所以我同鍾兄加積積十二點三度去到，仲有好多位...今日我哋有八個人全部都order set lunch，分別3個叫咗和式葵海鮮意粉、2個叫咗茄汁車厘茄煙肉意粉、3個叫咗和式燒鴨胸。啲食物好快就上，個餐仲跟咗一個冇咩汁嘅沙律同一個冇味又浠又冇料嘅白湯。我就order咗和式葵海鮮意粉，一食落口...又係冇嚟味道，我哋個個order咗呢個都要加大大大量芝士粉先可以食落去，而且又乾又硬，又冇咩料，我數埋碟意粉得兩隻蝦仔加三個好細嘅魷魚圈，完全唔掂。而個茄汁車厘茄煙肉意粉佢哋話中規中矩啦，反而個和式燒鴨胸幾good，因為我偷食咗鍾兄嗰啲，個汁又濃又香，其他點咗呢味嘅同事都好欣賞~~餐飲真係要講講...3人點咖啡(+$10)、2人點凍檸茶(+$10)、2人點可樂(+18)，我就點咗鮮奶抺茶(+$18)....凍檸茶就冇嘢講啦，都應該好難做到難飲啩，不過點咖啡嗰啲同事就話好難飲...而可樂仲吹漲...成杯都係冰，個杯又細，杯嘢都唔知有冇半罐可樂，叫個經理過嚟話杯嘢咁都要加20蚊，佢先攞番一罐可樂俾我哋，service都ok啦。而我杯