金水壽司 (已結業)

冇相睇因為我唔係黎寫食評而係想話畀大家知佢地的服務態度!!試問下午茶的服務態度係咪特別差？多次叫侍應黎斟水，冇反應！好冇記性！我地特登行去壽司吧枱斟，Ｄ侍應都係冇自覺，之後依然唔醒目；但又做埋Ｄ冇乜建設性既野：五分鐘內換兩次豉油……（想點=,=）埋單收左錢，無端端又走出去餐廳外面傾計，返黎忘了找錢；提醒她，她問：「唔記得找錢啊？」連「不好意思」都冇！其實寫左意見書但預左畀人毀屍滅跡……只係想將我的遭遇講出黎如果有關方面見到篇評語，如果可以改善，我為日後的食客（不包括本人）表示感謝。