影片
更多
2022-02-12
960 瀏覽
行過旺角就好想食日本嘢，本來想試放題，但又唔係食得多，不如算…見到行前兩步就有呢間落地牢嘅壽司店！印象中好似都好耐，心諗咁唔起眼應該唔多人掛的確客人唔多，環境好乾淨唔會有啲濕淋淋地面咁見佢擺設原本應該係迴轉壽司🍣 相信因為疫情就轉左. 都無所謂啦仲好坐喺bar 枱，由於人唔多壽司師傅勁快手就整好，因為好近，仲直接比我，第一下嚇親（真係勁快！） 感覺好好笑，好似廚師發辦咁比我😅佢有啲特價$9 件都唔錯例如三文魚腩！好肥美，仲好厚砌燒牛肉都係$9件，但好老好鞋…不過愛牛嘅就可以多食，味唔錯鰻魚都$9件燒左口魚邊有驚喜！好似廿幾蚊2件，唔記得…但好肥美，油脂好夠仲有個劍魚腩刺身$48！好抵食講真！有四大件仲好好好厚切！ 食完已經好漏好夠真係好厚肉！但當然，而家無晚市，人流少咗好多，魚嘅新鮮程度就一定無以前咁好，相信唔少小餐廳都有呢個問題..接受嘅！只要唔係太嚴重嘅質量問題，都幫襯多啲呢啲唔係大集團嘅餐廳🍴之後再加多個茶碗蒸，好滑滑到好快就𠾼晒！都唔記影😝 但味道就一般，太重味精，如果鍾意蒸滑蛋嘅都可以試，但唔好期望係好正宗有好多料好香嗰啲試埋個燒牛舌，上菜有少少呆咗？！呢個同我認知嘅牛舌有啲
見到行前兩步就有呢間落地牢嘅壽司店！印象中好似都好耐，心諗咁唔起眼應該唔多人掛
的確客人唔多，環境好乾淨唔會有啲濕淋淋地面咁
見佢擺設原本應該係迴轉壽司🍣 相信因為疫情就轉左. 都無所謂啦仲好
坐喺bar 枱，由於人唔多壽司師傅勁快手就整好，因為好近，仲直接比我，第一下嚇親（真係勁快！） 感覺好好笑，好似廚師發辦咁比我😅
佢有啲特價$9 件都唔錯
例如三文魚腩！好肥美，仲好厚砌燒牛肉都係$9件，但好老好鞋…不過愛牛嘅就可以多食，味唔錯
鰻魚都$9件
燒左口魚邊有驚喜！好似廿幾蚊2件，唔記得…但好肥美，油脂好夠
仲有個劍魚腩刺身$48！好抵食講真！有四大件仲好好好厚切！ 食完已經好漏好夠
真係好厚肉！但當然，而家無晚市，人流少咗好多，魚嘅新鮮程度就一定無以前咁好，相信唔少小餐廳都有呢個問題..接受嘅！只要唔係太嚴重嘅質量問題，都幫襯多啲呢啲唔係大集團嘅餐廳🍴
之後再加多個茶碗蒸，好滑滑到好快就𠾼晒！都唔記影😝 但味道就一般，太重味精，如果鍾意蒸滑蛋嘅都可以試，但唔好期望係好正宗有好多料好香嗰啲
試埋個燒牛舌，上菜有少少呆咗？！呢個同我認知嘅牛舌有啲出入😅😅😅 係煎仲係無乜色水…..
但畢竟佢都係真牛舌！唔係放題嗰啲假牛舌！食落味係唔差，只係太濕太薄…之但係！唔好忘記！呢碟只係$17！！！係$17蚊！有四片牛舌！想點？💰
總括嚟講，佢對得住價錢！唔算好貴，但因為疫情同客少咗，要控制成本，明顯生意難做…但都好過食啲放棄年輕人嘅集團 （雖唔知呢間咩色，但唔係阿婆集團）
例如用咗cheap cheap wasabi （超市買壽司送仲係最低級無味）
食材亦因為流量少而無咁新鮮，講真就真係無光澤了！但唔係放題同爭鮮嗰啲咬落一口冰咁，溫度都可以！ 見好多人點灸燒類見都幾香唔錯，可以解決到佢唔新鮮呢個缺點！
希望快啲過去，等啲餐廳可以繼續生存啦！當然住近的話買外賣就最抵最安全
（值得一讚！雖然客唔多，但人手仍好足夠，見個老闆定經理都仲有同客人傾下計。而洗手間亦好乾淨好大陣消毒味！好似仲乾淨過對面個大商場🤣）
張貼
