Amico 1890

營業中

休息中

這店位於旺角洗衣街，門口入口好窄，但入到裏面原來有兩層，上層仲要好大，甚至有幅白牆用嚟放投影機畫面。店舖裝潢有心意，燈光偏黃偏喑有氣氛，情侶或三五知己聚餐係不錯選擇。-🌹松葉蟹蓋多士這個係簡單嘅松葉蟹膏配多士，多士香脆，而松葉蟹膏亦新鮮，份光榮都唔少，作為前菜不錯，開開胃。-🌹露絲瑪莉羊扒兩件羊扒都幾大份量，味道亦一流，羊羶味好重，小編要5成熟，扒裏面鮮紅色非常新鮮，但嫩滑程度差少少，口感打咗折扣。-🌹加拿大豬鞍扒這個豬鞍扒大大一塊，表面睇好似牛扒，絕對睇唔出係豬，表面烤微燶，味道偏咸，因為豬肉所以係全熟，加上塊好厚，但肉質仍然係嫩，唔多肥肉，骨頭亦只有一小件，抵食，而最重要係嗰醬汁，甜檸檬味，好開胃，讚。最好有一特色係有青瓜，可以清一清濃味豬扒。-🌹焦糖朱古力味道不過不失，拉花尚可。-🌹AMICO店舖自己嘅特飲，有荔枝、檸檬、橙汁同Sprite，這四樣混埋一齊一定好味，表面仲有一層沙冰，讚。