金記冰室 (黃大仙中心南館) (裝修中)

有時放工好累懶得煮飯就出街食下飯，話說今日老公放工要加班唔鬼理我😭，我放工就一丁友揾下好野食!!行下行下商場俾左呢間茶記的招牌吸引，好似好老字號咁, 而我見茶記裹面亦有好多人幫襯，心諗應會唔差得去邊🙈所以就入左去食飯。因為一個人食飯所以叫ge食物唔多,叫左個牛肉炒面，一份海南雞同一杯凍奶茶多奶。首先講下個炒面先，唔錯! 好有鑊氣,好香口而且大大份，牛肉份量亦不少，質地唔老，火喉剛剛好! 😃另外海南雞有驚喜，去晒骨先上碟。食落啖啖肉，配埋醬料一流!! 👍 雞肉亦相當嫩滑😊 而杯奶茶就不細提了，因我係奶茶怪，所以食飯才叫奶茶飲 ! 整體幾滿意，若下次經過可以再黎 🤗