影片
更多
2005-05-15
14 瀏覽
以呢個品牌認知同期望, 一間咁出名茶樓, 呢次下午茶唔可以比到高分.1. 門口reception 唔sure 上客未走未埋好單情況之下, 叫我number 就入去, 入到去當然仲見上有人, 即場被罰企5分鐘, 難為老媽幾十歲腳痛要企咁耐, 個reception 求其叫你企住等陣, 就咁走去.2. 比較嘈雜, 可以話人多梗會嘈, 但迫令到嘈聲更嘈. 仲有係伙計放入碗櫃, 放得好嘈, 好似掉入去咁, 親耳親眼目擊鐵匙炒螺咁成盤倒入櫃桶內, 隔一行通道就係茶客位, 想象感受係點.3. 又係嘈, 呢次係伙計擺位嘈, 上放杯杯碟碟, 難逃香港一個反感特色, 就係茶樓伙計好似好熟手咁表演放杯碟你睇, 查實附帶埋鈴鈴鐺鐺杯碟撞擊聲, 永遠唔可以gently 擺, 開工咁精神咁好力, 佢企度, 你就坐度近距離'欣賞' '震撼' 音樂. 4. 其實因為出名, 下午茶時候去到3點打後仍然要等把, 隔籬茶樓門堪羅雀, 近住8, 9 號位置冷氣不夠, 因近廚房, 飲茶未走時有人已急不及待用噴潔麗清潔玻璃, 並唔恰當, 客食佢噴.5. 呢度勝在無搭, 一般伙記上菜員都幾好禮貌, 走時點心食唔晒, 包裝盒別具不同
1. 門口reception 唔sure 上客未走未埋好單情況之下, 叫我number 就入去, 入到去當然仲見上有人, 即場被罰企5分鐘, 難為老媽幾十歲腳痛要企咁耐, 個reception 求其叫你企住等陣, 就咁走去.
2. 比較嘈雜, 可以話人多梗會嘈, 但迫令到嘈聲更嘈. 仲有係伙計放入碗櫃, 放得好嘈, 好似掉入去咁, 親耳親眼目擊鐵匙炒螺咁成盤倒入櫃桶內, 隔一行通道就係茶客位, 想象感受係點.
3. 又係嘈, 呢次係伙計擺位嘈, 上放杯杯碟碟, 難逃香港一個反感特色, 就係茶樓伙計好似好熟手咁表演放杯碟你睇, 查實附帶埋鈴鈴鐺鐺杯碟撞擊聲, 永遠唔可以gently 擺, 開工咁精神咁好力, 佢企度, 你就坐度近距離'欣賞' '震撼' 音樂.
4. 其實因為出名, 下午茶時候去到3點打後仍然要等把, 隔籬茶樓門堪羅雀, 近住8, 9 號位置冷氣不夠, 因近廚房, 飲茶未走時有人已急不及待用噴潔麗清潔玻璃, 並唔恰當, 客食佢噴.
5. 呢度勝在無搭, 一般伙記上菜員都幾好禮貌, 走時點心食唔晒, 包裝盒別具不同, 黑盒磨沙蓋, 老媽見隔籬成功取到今年新款端午棕紙袋, 佢又叫一個, 咪又係普通一個紙袋. 不論老少女人零舍鐘意袋?
6. 點心水準合乎期望, 至差就係蝦腸粉, 蝦身少少過熟但仍然彈牙, 但皮一夾即爛, 呢度屬於大點$12.8, 如屬特點會否爛皮? 相反蝦餃皮就韌到屎...至好就係炸絲蝦卷, 小朋友至愛, 蝦片上擺隻炸蘿蔔絲包住蝦, 咬落口感特別, 而非常難搵炸蝦角呢度有得叫, 老媽至愛.
7. 到近4點時佢好趕, 問你仲要唔要點心後, 張卡已收並自動波幫你埋單, 銀包未取出準備張bill 已奉上.
呢次咁衰要老母腳痛罰企, 必屬喊樣
張貼