臨記車仔麵 (已結業)

冇乜商場會有車仔麵食，最多都係茶餐廳。不過好少茶餐廳會有車仔麵食，多數都係公仔麵，米線，米粉，河粉。呢間有好多種類款式俾我揀，連咖喱魷魚，陳皮魚蛋，牛孖根。。。呢啲有香港特色嘅大排檔款式都有得揀，值得一讚！然後湯底亦都有好多選擇。而我就揀咗牛腩汁！個湯底就一般，唔算好濃牛腩汁，可以再落多啲牛腩煲得入味啲。食車仔麵一定要識揀油麵！佢軟硬到適中，份量都夠吃！仲附送幾條菜注意事項⚠️熱水可以自行去斟，紙巾要比錢買（$2·5一包），食完要有手尾，拎去托盤收集站呀！