阿爺燒鵝餐室 (已結業)

今日同一班同事去咗筲箕灣附近影畢業相，影完大家都見肚餓就行返出大街，見到一間新開張嘅阿爺燒鵝餐室，位置都好方便，咁啱又見冇乜人就入去試吓。朋友叫咗常餐， $38 ，如果揀燒鵝瀨嘅話就加多$10。常餐入邊有厚多士、炒蛋，和一碗粉面。朋友說份量都幾足，燒鵝有啖啖的炭燒味，同出面的味道不同。不過略嫌有少少肥，可以食嘅肉唔多。另外叫咗一個黃金蛋叉燒飯。聽說是小店招牌名物，黃金蛋同普通炒蛋唔同，加咗鹹蛋黃，食落去有鹹香，叉燒大一點焦香，半肥瘦，啖啖肉。燒鵝薰蹄雙拼飯都唔錯！薰蹄厚肉，而且飯量簡直超級多，啱哂男仔，唔驚唔夠飽！如果唔想嘥記得叫少飯。最後嘆番一杯紅豆冰，紅豆煮得綿綿，有微甜又有少少咬口，朋友讚口不絕。