影片
更多
2024-09-09
228 瀏覽
啤啤Bear韓國包車 BBB포차📍尖沙咀諾士佛臺1號8樓久違的到尖沙咀睇牙後，行到諾士佛台附近覓食，喺Google搵到間韓國包車主題嘅餐廳，有多款芝士料理供應，於是被吸引咗去食。BBB佔地全層，地方寬敞，可以容納多檯食客，而且有用趟門分有兩個區域，閂門後隔音幾好，環境唔會太嘈吵。除咗有生招牌「啤啤Bear」坐陣，場內仲有幾個閃閃下嘅心型disco balls、籃球機、夾公仔機同跳舞機裝飾。我哋有幸坐喺跳舞機上嘅二人檯，感覺非常特別！ 💰$98大發！芝士鐵板黑松露炸醬拉麵 🍜芝士控同黑松露控絕對唔可以錯過！全素嘅炸醬麵拉麵，帶嚟嘅滿足感居然比有肉嘅麵食更大！韓國拉麵較闊身同彈牙，口感極佳，拌入熱溶咗嘅芝士、煎蛋同無敵多嘅黑松露醬，每一口都有多重層次，加上有鐵板熱住，放耐咗都保持到溫度。 💰$68爆芝River甜辣炒雞 x 小章魚 🐓🐙幾乎每一檯都會叫嘅一定係爆芝River甜辣炒雞 x 小章魚！錫紙兜內放有甜辣炒雞同小章魚，再喺兩者中間堆滿大量芝士，以小菜呢個價錢已經無得輸。你又點會估到仲有一個烏冬底？！而且每檯只要加多$8，就可以無限添加烏冬，勁抵食！ 💰$158BUTTER X GAR
📍尖沙咀諾士佛臺1號8樓
久違的到尖沙咀睇牙後，行到諾士佛台附近覓食，喺Google搵到間韓國包車主題嘅餐廳，有多款芝士料理供應，於是被吸引咗去食。BBB佔地全層，地方寬敞，可以容納多檯食客，而且有用趟門分有兩個區域，閂門後隔音幾好，環境唔會太嘈吵。
除咗有生招牌「啤啤Bear」坐陣，場內仲有幾個閃閃下嘅心型disco balls、籃球機、夾公仔機同跳舞機裝飾。我哋有幸坐喺跳舞機上嘅二人檯，感覺非常特別！
[價錢 Price]
💰$98
大發！芝士鐵板黑松露炸醬拉麵 🍜
芝士控同黑松露控絕對唔可以錯過！全素嘅炸醬麵拉麵，帶嚟嘅滿足感居然比有肉嘅麵食更大！韓國拉麵較闊身同彈牙，口感極佳，拌入熱溶咗嘅芝士、煎蛋同無敵多嘅黑松露醬，每一口都有多重層次，加上有鐵板熱住，放耐咗都保持到溫度。
[價錢 Price]
💰$68
爆芝River甜辣炒雞 x 小章魚 🐓🐙
幾乎每一檯都會叫嘅一定係爆芝River甜辣炒雞 x 小章魚！錫紙兜內放有甜辣炒雞同小章魚，再喺兩者中間堆滿大量芝士，以小菜呢個價錢已經無得輸。你又點會估到仲有一個烏冬底？！而且每檯只要加多$8，就可以無限添加烏冬，勁抵食！
[價錢 Price]
💰$158
BUTTER X GARLIC 韓式無骨炸雞 🍗
BUTTER X GARLIC Fried Chicken
呢個價錢呢個份量真係非常佛心，有7-8件大大件嘅無骨炸雞，即使有雞胸肉嘅位置，雞肉都唔會好乾好柴。我鍾意呢款牛油蒜香口味，感覺無甜辣炸雞、芝士炸雞咁油膩，而且佢哋應該喺醃雞嘅過程中都有加入蒜頭調味，所以外內都有濃香蒜味。籃底仲有牛油醬汁，點少少嚟食會更好味！
[價錢 Price]
💰$98
原味芝心煎蛋卷 🍳
日式蛋卷食得多，韓式蛋卷真係第一次呢！明顯分別係蛋卷內有海量芝士，趁熱食仲可以拉到長長芝士絲，而且仲擠有茄汁同沙律醬，每啖到食到蛋同芝士嘅香醇。
[價錢 Price]
💰$68
韓式炸餃子 🥟
一籃炸餃子有7-8隻，內餡包有菜肉同韓式粉絲，外皮唔算炸得金黃，但都算香口，點埋酸甜醬汁就更好味。
[價錢 Price]
💰$138
甜蜜蜜糖葫蘆 X 夏日清爽青提沙冰特飲 🍇🍧
我大推呢個沙冰特飲，除咗賣相有特色，味道都出奇哋好，而且真係冰涼解暑，一個字，爽！原本以為沙冰味道會好淡，點知入口冰涼之餘仲有極清新嘅薄荷味，食真啲仲有青提味，非常衝擊！忍唔住好奇，向店員查詢後先知呢款原來係佢哋自創嘅冰點，主要用上新鮮薄荷、韓國青提同青提汔水製成，唔怪得會集冰、甜、爽於一身啦！
如果你熟悉我，應該知道我唔鍾意食提子，尤其係青提，因為通常都好酸，食完啲牙會軟晒。但BBB將青提串整成糖葫蘆，糖衣甜蜜蜜又脆卜卜，完全唔會食到青提嘅酸味，簡直係我嘅福音！
溫馨提示，呢個甜點/飲品係限量發售嘅，落單時一併落，再揀選「食埋嘢先上！」，就唔怕食唔切會溶啦！
張貼
