Bingo & Cook (駱克駅) (已搬遷) 新店位置

環境5分：依個一定要畀滿分！樓面好高，睇落去好大，向牆一列書枱位，好似圖書館格局，每二人一組溫書咁，每張書枱有自成一格嘅主題，好多得意擺設。衛生4分：地方光鮮企理，連廚房同廁所都好乾淨，衛生可以畀四分。服務5分： 全部年輕侍應生做野快手快腳唔囉唆，滿分。味道5分：1)    次次食啤酒炸雞都會諗起幾年前套韓劇，韓劇威力真係大。蜂蜜黃油無骨雞半份有六隻，炸得好乾身同好香脆，全部起曬骨啖啖都係肉，好juicy，個味甜完之後有好少許嘅辣味。韓式食法襯杯生啤超級正！2)    牛肉餅份量好似個大pizza咁足，預先一開八易食得多，每件蛋多牛肉多，韮菜個花生油香好出。抵食5分：每人平均二百幾蚊飲啤酒食炸雞，好飽肚，真係好抵食。